Фестивалот „Војдан Чернодрински“ годинава ќе го слави театарот на сите можни начини и локации. Ќе се потрудиме театарот да го доближиме до секој потенцијален гледач во Прилеп со неколкуте фестивалски зони што ги раширивме низ
градот, низ локациите што им се омилени на прилепчани. Во соработка со групата „Театроск“ од Скопје, предводена од Војо Цветановски и студенти од Факултетот за драмски уметности, ќе имаме нивни настапи на пантомима и на средновековните
Скомрахи. Фестивалските зони ќе бидат соодветно обележани и публиката ќе може да ужива во театарот надвор од театарските сцени.
ЧЕРНОДРИНСКИ ЗА ДЕЦА
Се наоѓа пред и во киното „Мис Стон“. Во соработка со Фестивалот за детскитеатар „Силјан Штркот“ од Прилеп, ќе имаме можност да се запознаеме со резултатите од Едукативните работилници, да се пријавиме за следните. Ќе учиме за театарот, ќе гледаме детски претстави, ќе уживаме.
АУДИОСОБА
Овде секој ќе може да преслушува авторска театарска музика. Во соработка
со платформата за аудиокниги „Самоглас“ и „Донирај компјутер“ ќе успееме за прв пат
на нашиот фестивал да преслушуваме театарска музика.