СИТЕ ПРЕКРАСНИ НЕШТА

Сценограф: Васил Христов

Костимограф: Моника Гачева 

Избор на музика: Нела Витошевиќ 

Дизајн на плакат: Дамјан Момировски 

Играат:

Ефтим Трајчов Ѓаурски

Стефанија Митовска

Марија Минчева Андонов

Милорад Ангелов

Анѓелка Нашкова

Никола Кузелов

Ава Хусеини

Клавир − Јована Гркова

Виолончело − Максим Нисев

Техничка екипа:

суфлер: Лида Рогожарева; светло: Методи Саздов, Ристе Стојановски и Владимир Љубосављевиќ; тон-мајстор: Димитар Влахов; гардеробер: Анита Несторова; декоратери: Горги Чапов, Тоше Зафиров и Александар Талевски.

Времетраење: 80 минути

Датум на премиера: 11 јуни 2024

„Сите прекрасни нешта“ е драма создадена по мотиви на истоимената кратка драмска форма на Данкан Мекмилан. Во оваа новосоздадена драма, главниот лик, некогаш дете, сега 35-годишен човек, низ сеќавања го реконструира и оживува минатото како топла семејна приказна која балансира меѓу сите оние работи што го прават животот тежок, но и сите прекрасни нешта за кои вреди да се живее. Приказна за љубовта и загубата на најблиските луѓе во нашиот живот, која го отвора прашањето за нарушеното ментално здравје, ги прикажува борбата и последиците од неа во семејството, но истовремено зборува и за надежта, што го води човечкиот живот секогаш напред.

Претставата „Сите прекрасни нешта“ посочува на важноста на третманот на депресијата, анксиозноста и клиничката депресија во ерата на либералниот капитализам, како круцијален проблем со кој се соочува единката, растргната помеѓу притисокот на системот и социјалните стеги и стигми. Подигнувањето на свеста за менталното здравје е од суштинско значење за современиот живот и е исклучително важна општествена тема со која треба да се занимаваат театарот и воопшто уметноста денес.