Одлука на оценувачката комисија за доделување на наградите на 54-от МТФ „Војдан Чернодрински“

Оценувачката комисија на 54-от македонски театарски фестивал „Војдан Чернодрински“ Прилеп, во состав на Бедиа Беговска – претседател и членовите Љиљана Богоевиќ и Маја Вељковиќ-Пановкса ги доделува следните награди:

  1. Награда за рекламен материјал се доделува на Нгадњим Мехмети за рекламниот материјал од претставата „Смртта на Дантон“ во изведба на НУ Албански театар – Скопје.
  2. Награда за кореографија и сценски движења се доделува на Ѓерѓ Превази за кореографија и сценски движења во претставата „Смртта на Дантон“ во изведба на НУ Албански театар – Скопје.
  3. Награда за музика се доделува на Димитар Андоновски за музиката во претставата „Пиреј“ на театарот „Војдан Чернодрински“ – Прилеп и музиката во претставата „На отворено“ на НУ Театар Комедија – Скопје.
  4. Награда за костимографија се доделува на Розе Трајчевска Ристевска за костимите во претставата „Макбет“ на НУ Македонски народен театар – Скопје.
  5. Награда за сценографија се доделува на Константин Трпеновски за сценографијата во претставата „Макбет“ на НУ Македонски народен театар – Скопје.
  6. Награда за современа сценска драматизација се доделува на Љупчо Ѓоргиевски за драматизација и адаптација на „Животинска фарма“ од Џорџ Орвел во изведба на НУЦК „Антон Панов“ – Струмица.
  7. Награда за млад актер „Трајко Чоревски“ се доделува на Тони Денковски за улогата на Горниот во претставата „На отворено“ во изведба на НУ Театар Комедија – Скопје.
  8. Награда за млада актерка се доделува на Симона Димковска за ликовите во претставата „Физика на тагата“ во изведба на НУЦК „Трајко Прокопиев“ – Театар Куманово.
  9. Награда за женска епизодна улога се доделува на Биљана Драгичевиќ – Пројковска за улогата Карлота во претставата „Странци“ во изведба на НУ Драмски театар – Скопје.
  10. Награда за машка епизодна улога „Димче Трајковски“ се доделува на Гзим Жерка за улогата Сен-Жист во претставата „Смртта на Дантон“ во изведба на Ну Албански театар – Скопје.
  11. Награда за главна женска улога се доделува на Марија Спиркоска – Илијески за улогата на Велика Мегленоска во претставата „Пиреј“ во изведба на театарот „Војдан Чернодрински“ – Пирлеп.
  12. Награда за главна машка улога се доделува на Александар Степанулески за улогата на Јон Мегленоски во претставата „Пиреј“ во изведба на театарот „Војдан Чернодрински“ – Пирлеп.
  13. Награда за режија се доделува на Игор Вук Торбица за претставата „Бакхи – краток преглед на распадот“ во изведба на НУ Народен театар – Битола.
  14. Награта за уметничко остварување на претстава во целина и се доделува на претставата „Бакхи – краток преглед на распадот“ во режија на Игор Вук Торбица, а во изведба на НУ Народен театар – Битола.

Прилеп, 15 јуни 2019 година.